274. Ewe Bwana Ndiwe Mchunga

1.  Ewe Bwana ndiwe 

    Mchunga wangu mwema.

    Sitapungukiwa na kitu, 

    kwani u pamoja nami.

2.  Wanilaza kwenye 

    malisho tele; 

    Wanitangulia vizuri,

    kwani wanipenda sana.

3.  Nafsi yangu 

    imehuishwa nawe,

    na kuongozwa kwa haki,

    kwa ajili ya Jina lako.

4.  Nikipita hata 

    bonde la mauti, 

    sitayaogopa mabaya,

    kwani Wee u gongo langu.

5.  Umeandaa meza 

    mbele yangu mimi,

    ili na watesi waone, 

    kwamba ndiwe mwenye neema.

6.  Kichwa changu 

    kimepakwa na mafuta,

    Kombe langu linafurika; 

    Haya umefanya yote.

7.  Wema wako

    umenifuata hasa.

    Nami nitaishi na wewe,

    kwako, Bwana siku zote.