265. Mganga Wetu ni Karibu

1.  Mganga wetu ni karibu,

    hashindwi na uchawi, 

    upendo wa kutufia

    ni dawa yake njema: 

         Imbeni na malaika, 

         Jina lenye furaha,

         ndilo la kutukuka,  

         Jina lake Yesu.

2.  Hatuna utengamano 

    wala uzima hata,

    ila Yeye kweli ndiye  

    aliyetupumzisha: 

          Imbeni …

3.  Machukio na ugomvi 

    ametuondolea,

    twende na kumtegemea 

    hata kwake mbinguni:

          Imbeni …

4.  Hulioni Jina tamu

    lake Mwokozi Bwana? 

    Atuletea wokovu,

    hatashindwa na kufa:

           Imbeni …

5.  Hilo ndilo nipendalo, 

    linipalo uzima, 

    linanipasa kwa kweli,

    liheshimiwe nami: 

           Imbeni …

6.  Kila mume asimame,

    sifa zake zivume,

    wanawake na washike 

    kusifu Jina lake: 

           Imbeni … 

7.  Na vijana wote pia, 

    awapendao sana,

    waje kwake, wawe wake,

    wamtumikie yeye!

          Imbeni …

8.  Nasi tutakapofika

    mjini kwake mbinguni, 

    tutaimba kwa furaha 

    sifa zake milele! 

           Imbeni …